Ashiqi Bedili Se Mushkil Hai

Ashiqi Bedili Se Mushkil Hai

Phir Muhabbat Usi Se Mushkil Hai



Ishq Agaz Hi Se Mushkil Hai

Sabr Karana Abhi Se Mushkil Hai



Ham Asan Hain Aur Hamare Liye

Dushmani Dosti Se Mushkil Hai



Jis Ko Sab Bevafa Samajhate Hon

Bevafai Usi Se Mushkil Hai



Ek Do Dosare Se Sahel Na Jan

Har Koi Har Kisi Se Mushkil Hai



To Bazid Hai To Ja `Faraz` Magar

Vapasi Us Gali Se Mushkil Hai